ऊ मरेकी छैन

U Mareki Chhaina by Bal Krishna Sama
My rating: 5 of 5 stars

'ऊ मरेकी छैन' बालकृष्ण समद्वारा लिखित एउटा सुन्दर धार्मिक नाटक हो | बिहान सबेरै कनकवीरको घरमा भिक्षा माग्न आउने शिवगिरिले कनकवीरको छोरी, कान्तिको हातको भिक्षा लिन अस्विकार गर्दछ र सो भिक्षा फालिदिन्छ | स्वास्नी मान्छेले दिएको भिक्षा नलिने भने पछी 'बच्ची' कान्तिले 'किन? के देवताहरुलाई स्वास्नी मान्छे मन पर्दैन?' भनेर गरेको प्रतिप्रश्न सुन्दर छ | यसमा कान्तिको बिद्रोही र उत्सुक स्वभाव दुवै प्रष्ट झल्किन्छ | आमा बिना हुर्किएकी छोरीको प्रतिप्रश्नलाई कनकवीर आँफैले आफ्नो किसिमले उत्तर दिएर साम्य पार्छ | आफ्नो बुवाको उत्तरबाट चित्त नबुझाई, कान्ति स्वयम् शिवगिरि भएको ठाउँमा गएर अघिकै प्रश्न गर्छे | स्वास्नी मान्छेबाट अलग्ग रहने शिवगिरि कान्तिलाई फेरी ऊ भएको ठाउँमा नआई आफ्नै घर गरेर खाने सल्लाह दिन्छ | हठी कान्ति पनि त्यो सब नमानी, सधै भजन र सत्संग सुन्न आउने र भक्तिभावमा आफ्नो जिवन बिताउने निर्णय लिन्छे | यी सबका बिच, उसले सामना गर्नु परेको सामाजिक व्यवधान, समाजको (कु)द्रिष्टि र विद्ध्यमान चलनलाई लेखकले सुन्दर तरिकाले उतारेका छन् | संसारिक बन्धन, मायाबाट बिस्तारै उठ्न चाहने कान्तिको सोच र इच्छाबाट स्वयम् शिवगिरि पनि हार्दा, नाटकले लिने मोडनै निर्णायक मोड हुन पुग्दछ |

कान्तिको भिक्षा अस्विकार गरे बाट सुरु भएको नाटकको अन्त्य, शिवगिरिको कान्तिसंगको अस्वाभाविक भिक्षा मगाईबाट हुन्छ | त्यसपछिको दृश्यले शिव-सतिको पौराणिक कथाको छनक दिन्छ |
मात्र १३ रुपियाँमा पाइने यो किताब (Can you believe it?) निकै मुल्यवान छ |


View all my reviews