याद

मलाई थाहा छ

तिमीलाई मेरो याद आउँदैन

तिम्रो भित्री मनमा

मसंग बिताएका मिठा पलका

सम्झना कदापी छाउँदैन,

न त तिमीले त्यो

सुन्दर अतीत साँचेकी छौ

न त तिमी हाम्रो पुनर्मिलन हुने

आशमा बाँचेकी छौ ||

यदि,

साँच्चै तिमी म बिना न्यास्रीएकी भए

मेरो यादले सताएको भए,

जसरी समुद्रको पानी छाल बनी

तटमा आउन संघर्ष गरी रहन्छ,

ठीक त्यसरी नै,

तिमी म भएको ठाउँमा

आउन संघर्ष गर्थ्यौ |

तर, खेद छ तिमीलाई तिमी मौन रह्यौ.. ||

हो,

तिमी समुद्री छाल बनिनौ

किनभने तिमी नदीको पानी हौ

एकनास बस्न कहिल्यै जानिनौ

तिमी त बस् बगीरह्यौ

भाग्यले जता डोहोराह्यो त्यतै..

मात्र एकचोटी पनि टक्क अडिएर

किनारमा पर्खीरहेको मलाई हेरिनौ.. ||

तर,

जतिनै तिमी भागेपनि

जतिनै बगी रहेपनि

नदीको किनार त हुन्छ नै,

कुनै दिन मेरो श्वासले

तिमीलाई छुन्छ नै.. 

त्यैपनि तिमी बेवास्ता गर्छौ भने,

कुनै दिन नदी सागरमा मिसिन्छ नै

अनि त्यो दिन तिमी स्थिर हुनेछौ ||

ठीक त्यसै दिन,

म पनि हेर्नेछु 

कसरी तिमी भाग्दी रहिछौ..

तटमा बसेको मलाई

छाल बनी तिमी कसरी नभेटऔला?

अनि कसरी तिम्रो मानसपटलमा

हाम्रो मिठो अतित नआउला?

बस् त्यही दिनको प्रतिक्षा छ J ||