Wednesday, October 12, 2011

म अनि तिमी


निलो  निलो आकाश
अनि तिम्रो आभाष
तिमी हुनुको,
हावा जस्तै
देखिदैनौ तर छौ|


अनि उड्दै गरेको 
दुई बादलुका टुक्रा
सेता अनि बाक्ला
मेरो मन जस्तै 
हलुको अनि निखर


र तिम्रा यादहरु
सूर्यका ती किरण जस्तै
निरन्तर, एकैनासको 
आएर मनलाई कुत्कुत्याउने
तिम्रो न्यानो अनुभूति  


कालो कालो गगन
अनि चम्किलो बगैंचा 
ताराहरुको, 
झिम-झिम गर्ने ती
हाम्रो प्रेमको नासो


अनि  बिचमा मुस्कुराउदै गरेकी 
चन्द्रमा, तिमी,
मेरो अन्धकारलाई हटाउन 
पूर्ण रुप लिएकी 
ममा अनुराग छर्न 


र तिम्रो प्रतिक्षा गर्ने 
शान्त, विशाल सागर, म
ब्युंतिन्छु तिम्रो प्रकाशसंगै, 
र तिमी टांसिन्छौ मेरो छातीमा  
म, तिमी अनि  हाम्रो मिलन 
एउटा अमर प्रेमको प्रतिक 

ट्रेकिंग/हाइकिंगको क्रममा हराउँदा

हिंडी रहने बाटो त बिराउने गरिन्छ भने कहिले पनि नहिंडेको र कुनै म्याप अनि गाइडको सहारा बिना हराउनु भनेको आश्चर्यजनक कुरो पनि भएन | काठमाडौँक...