Monday, September 26, 2011

जादु



एउटा त्यो जादु
तिम्रो नज़रको 
वाण जस्तो सुरिलो
आएर मुटुमा रोपिने 
तर पिडा होइन,
मिठास दिने

अर्को जादु
तिम्रो मुस्कानको 
सूर्यझैं तेजिलो
प्रकाश छर्ने
कालो रातलाई पनि
छर्लंग पारिदिने

अनि अर्को जादु
तिम्रो हुनुको 
आनन्दमय स्वर्ग जस्तो
खुसीले भरिपुर्ण 
दुखी मनलाई पनि
सन्तुष्ट बनाईदिने

अनि त्यो जादु 
तिम्रो सम्झनाको 
जाडोको घाम जस्तो 
निकै प्यारो
तिम्रो अनुपस्थितिमा पनि
तिमीलाई मेरो सामु ल्याइदिने 

अनि यो जादु  
स्वयम् तिमी 
मेरो आत्मा तिमी
मेरो ढुक-ढुकी तिमी
म भित्र बस्ने तिमी 
मेरो पहिचान तिमी
मेरो स्वर्ग तिमी
ममा ज्यान भर्ने तिमी
अनि मलाई सताउने?
त्यो पनि तिमी 
मात्र तिमी.... 

Sunday, September 25, 2011

मनको ज्वालामुखी


एकतमासले मुटु भारी भएको छ.. मुटुको बोझ आँखाले बिसाउन खोज्दै छ तर घांटीमा गाँठो परेको छ.. यो कस्तो सम्बन्ध? मुटु घांटी अनि नयनको कस्तो समझदारी? एकको स्वीकृति बिना चल्न नजान्ने? त्यो मुठीभरको मुटु को पिडा कम गर्न म बेसरी घांटी मा बल पुर्याउछु.. प्रयास विफल, अश्रुले आँखा भरिन्छन, तर बर्सन सक्दैन... ती बग्न नसकेका आँशुले अब भित्री मुटुमा दखल पुर्याउछ.. मुटु पोल्छ भत्भति.. अब भावन्न हुन्छ मलाई.. कता गएर, कसो गरेर हुन्छ  टाउको ठोकी शान्त हुन चाहन्छु म... तर सक्दिन... अगेनामा सेकाएका जस्तो  गालामा राफ पैदा हुन्छ... भित्र भित्रै डाहा हुन्छ... हात-गोडामा  लग-लगि काँप छुट्छन् | त्यहिँ ढलु ढलु लाग्छ.. बेहोशी भएको महसुस गर्छु.. कहाँ छु के  गर्दै छु सब बिर्सन्छु.. कति कातर अनि कति कम्जोर भएँ जस्तो लाग्छ.. के गरूँ, कसो गरूँ हुन्छ.. आफ्नै छातीमा मुड्की बजार्न मन लाग्छ... निशासिन्छु.. 


त्यतिकैमा आमाको आगमन हुन्छ अनि मेरो त्यो अवस्था देखि अत्ताल्लिदै अंगालो हाल्दै सोध्नु हुन्छ, 'बाबु! के भयो तलाई? किन यस्तो काँपेको? के भयो?'


म आमालाई हेर्दै आफ्नो थुनिएको बोली फुटाउने प्रयास गर्छु... भन्न खोज्छु कि म ठीक छु..केहि भएको छैन.. तपाईं चिन्ता नलिनुस...
र जब मुख खोल्छु, ती आँखाको डिलमा ढिल्पिलिएर बसेका अश्रुधारा असारको भेलझैं बगी मेरो ओठमा आइ ठक्कर खाइ रहन्छन.. र म टासी रहन्छु आमाको अंगालोमा आफ्नो मनको भेल बगाउदै..एकदम निशब्द....      
..

Thursday, September 22, 2011

When I am with you

When I am with you, your smile just takes my breath away
you spread such grace & magnificence that no wealth could every pay
I love the way how you guide me to the cloud nine
And I relish every moment when our hearts intertwine

When I am with you,  I get rid of the usual ‘gloomy’ me
each of the desolations bolts and all I feel is glee
The stars, the moon, the flowers, the breeze
all offer lovely meanings and they start to please

When I am with you, I just long to be lost
in your arms, in your realm for I love you the most
If I am to choose, the best of the things for me
today, tomorrow and forever, that will always be thee

When I am with you, nothing in the world matters
but when you walk away, my utopian land shatters
The dream of the future that I savored spoils in my mind
And abruptly the merry land transforms into a different kind.

When I am with you, I want time to freeze
and we can cuddle all day & night under the trees
the taste of your lips, the warmth of your embrace
they take me to the seventh heaven, oh what a  grace

When I am with you, I feel paradise as I see myself in thee
you become my motivation to achieve the goals as gigantic as sea
When I am with you, you make me do the best
And that helps me win the world by forgetting the rest

When I am with you, I feel complete……………..

Monday, September 19, 2011

प्रेम युद्ध

एक्लो, फगत एक्लो
यो जीवनमा 
न त तिमी आउन सक्यौ
न त म उदाउन सकें

सून्य- सून्य यो स्तिथिमा 
कस्तो द्वन्द चर्केको हो
यो मेरो मनमा 
न त तिमीले बुझ्न सक्यौ
न त मैले बुझाउन सकें 

ठसाठस- ठसाठस कोचिएका 
अव्यक्त यी मेरा मनोभाव 
न त तिमीले पढ्न सक्यौ
न त मैले पोख्न सकें

त्यसैले त म दबिएको छु
आफैभित्र, फुक्न नसक्ने गरी
त्यसैले त म पिल्सीएको छु 
घाउहरु सुक्न नसक्ने गरी....

तिमीलाई मन-मनमा सजाउदा
मन भारी हुँदा बिसाउन सकिन
तिम्रा पर्खाइले बनेका ती चोटहरुको
व्यथा कतै दर्साउन सकिन

तिम्रा ओठको मुस्कानमा रमाउदा 
तिम्रा दुखमा तिम्रो हात समाउदा
मैले त आफ्नो होशै  हराएछु 
होशमा आएपछि,
तिमीले मेरो मन तोडेपछि,
 जोड-जोडले कराएछु 

तर त्यो रोदन, त्यो चिच्याहट 
कसले सुन्ने यहाँ?
मेरी नजिककी तिमीले त वास्ता गरिनौ
अरुलाई मेरो स्तिथि जान्ने फुर्सद कहाँ?

त्यसैले आज म एक्लो छु
फगत एक्लो
तिम्रो याद त मसंग छ
तर ती तीता भैसके 
मिठासको परिभाषा
तिनले दिन छोडिसके

अब त मन अमिल्लिएको छ 
तिम्रो याद धमिल्लिएको छ 
बिस्तारै यो मन पोल्न छोड्छ
तिम्रो यादको सिमा भित्र डुल्न छोड्छ 

अनि त्यसपछि  हेर्नु तिमीले 
यो एक्लोपना, यो एकान्तपन
कसरी स्वर्ग बन्छ 
अनि म रमाउनेछु  त्यसैमा 
राजा इन्द्र बनेर
अनि तिमी नाच्नेछौ मेरो इशारामा 
मेरै अप्सरा बनेर
मेरै अप्सरा बनेर ||

ट्रेकिंग/हाइकिंगको क्रममा हराउँदा

हिंडी रहने बाटो त बिराउने गरिन्छ भने कहिले पनि नहिंडेको र कुनै म्याप अनि गाइडको सहारा बिना हराउनु भनेको आश्चर्यजनक कुरो पनि भएन | काठमाडौँक...